Пацярпелых у выніку абвалу даху коўзанкі ў Гомелі выпісалі з лякарні
2- 11.03.2018, 16:14
- 10,859
Адно дзіця атрымала траўму вока.
Як паведамляе БелТА са спасылкай на ўправу аховы здароўя Гомельскага аблвыканкама, чацвёра пацярпелых на коўзанцы ў Гомелі выпісаныя дадому.
Усім пацярпелым надалі медыцынскую дапамогу. Пасля агляду чацвёра з іх, у тым ліку і дзеці, адпушчаныя з лякарні.
Адно дзіця, якое атрымала тупую траўму вока, накіраванае на кансультацыю да афтальмолага. Яно таксама выпісанае дадому.
Нагадаем, учора ўвечары ў Гомелі пад цяжарам снегу абрынуўся дах лядовай коўзанкі. Цяпер коўзанка закрытая.