Другую крытую коўзнаку ў Гомелі закрылі пасля здарэння з дахам
1- 11.03.2018, 20:33
- 9,195
Коўзанку закрылі для праверкі бяспекі.
Коўзнаку на скрыжаванні вуліц Савецкая і Галавацкага ў Гомелі закрылі для праверкі бяспекі пасля інцыдэнту з абрынаннем даху на аналагічным аб'екце на вуліцы Косарава, паведаміў БелТА афіцыйны прадстаўнік УУС Гомельскага аблвыканкама Віталь Прыстромаў.
«10 сакавіка пры абмеркаванні сітуацыі з ініцыятывы УУС калегіяльна прынятая пастанова прыпыніць працу крытай коўзанкі на скрыжаванні вуліц Савецкая і Галавацкага для правядзення неабходных праверачных мерапрыемстваў», - праінфармаваў Віталь Прыстромаў.
Нагадаем, 10 сакавіка ў Гомелі на скрыжаванні Рэчыцкага праспекта і вуліцы Косарава адбылося абрынанне даху лядовага катка. Траўмы рознай ступені цяжкасці атрымалі пяць чалавек, у тым ліку двое дзяцей ва ўзросце 7 і 11 гадоў.
