Стала вядома, якім будзе надвор'е ў панядзелак

Туман і галалёдзіца чакаюцца 12 сакавіка.

Заўтра чакаецца воблачнае з прасвятленнямі надвор'е. Уночы пераважна па паўночна-ўсходняй палове пройдуць ападкі (дождж, мокры снег), паведамілі БелТА ў рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

Удзень 12 сакавіка ў асобных раёнах прагназуюцца невялікія дажджы. Месцамі чакаецца туман, уночы і раніцай слабы галалёд, на асобных адцінках дарог галалёдзіца. Вецер паўднёва-ўсходні, уночы слабы, удзень парывісты.

Тэмпература паветра ўначы і раніцай складзе ад плюс 3 да мінус 3 градусаў, у другой палове дня яна падвысіцца да 1-7 градусаў вышэй за нуль. На паўднёвым захадзе краіны ўночы будзе плюс 4-6 градусаў, удзень - плюс 8- 13 градусаў.