Юрый Голуб здабыў залаты медаль у біятлоне на Паралімпіядзе ў Пхенчхане
3- 13.03.2018, 10:42
- 9,663
Гэта другі залаты медаль беларусаў у Пхенчхане.
Беларус Юрый Голуб здабыў залаты медаль у біятлоне ў катэгорыі В3 для спартоўцаў з парушэннямі зроку на XII зімовых Паралімпійскіх гульнях у Пхенчхане, паведамляе карэспандэнт БелТА.
Дыстанцыю на 12,5 км з чатырма агнявымі рубяжамі ён пераадолеў за 39 хв. 23,7 сэк. Срэбным прызёрам стаў украінец Аляксандр Казік +2,7 сэк. Трэцяе месца заняў яшчэ адзін прадстаўнік Украіны - Юрый Уткін (+56,2 сэк).
Для Юрыя Голуба залаты медаль у біятлоннай гонцы на 12,5 км - трэцяя ўзнагарода на Паралімпіядзе ў Пхенчхане. Раней ён задыбў срэбра ў лыжнай гонцы на 20 км у катэгорыі В3 для спартоўцаў з парушэннямі зроку і стаў другім у біятлонным спрынце на 7,5 км.