На праспект Незалежнасці ў Мінску праз 20 гадоў вернуцца тралейбусы

Змяняюць адразу некалькі маршрутаў.

У Мінску змяняюцца маршруты тралейбусаў, паведамляе установа «Сталічны транспарт».

Так, з 17 жніўня скарачаецца траса тралейбуснага маршруту №30 «Серабранка – Вакзал». Цяпер ён ходзіць вось так.

Як адзначаецца, маршрут скароцяць «у сувязі з нязначным узроўнем пасажырапатоку і дубляваннем іншымі маршрутамі пасажырскага транспарту». І цяпер з боку мікрараёна Серабранка тралейбус пойдзе толькі да прыпыначнага пункта «Фабрыка «Камунарка»». Маршруту нададуць новую назву №30 «Серабранка – Фабрыка «Камунарка»».

Таксама з 17 жніўня тралейбусы №№ 61 і 68 «Дыспетчарская станцыя Уручча-2 – Акадэмічная» (у іх адна назва на два маршруты, але едуць яны рознымі шляхамі) будуць крыху іншым шляхам ісці да канчатковай. Цяпер яны ходзяць вось такімі маршрутамі.

А з 17 жніўня тралейбусы ад вуліцы Кнорына пойдуць па вуліцы Толбухіна, праспекце Незалежнасці, вуліцы Сурганава ў прамым напрамку; а ў зваротным — па вуліцах Сурганава, Кузьмы Чорнага, Толбухіна і далей па маршруце. Адпаведна, абодвум маршрутам надаецца новая назва «Дыспетчарская станцыя Уручча-2 – станцыя метро «Акадэмія навук»».

Па такой схеме цяпер будуць хадзіць тралейбусы.

Такім чынам, тралейбусы вернуцца яшчэ на адзін участак праспекта Незалежнасці. У 2002 годзе тралейбусныя драты знялі на ўчастку ад плошчы Незалежнасці да плошчы Якуба Коласа, а ў 2006-м знялі і на наступным участку — да вуліцы Філімонава. Пры гэтым тралейбусныя маршруты №№ 1, 2, якія ішлі па ўсім праспекце Незалежнасці, накіравалі па іншых вуліцах.

Але праз шмат гадоў тралейбусы пачалі вяртацца на праспект. Так, у маі 2021 года замест часовага аўтобуса №921 пачаў хадзіць тралейбус №1 з Зялёнага Лугу: па праспекце Незалежнасці ён едзе ад вуліцы Каліноўскага да станцыі метро «Маскоўская». А з чэрвеня 2022 года падоўжылі тралейбус №22 ад вуліцы Веры Харужай аж да Лошыцы, таму цяпер «рогатыя» ідуць па ўчастку ад плошчы Якуба Коласа да плошчы Незалежнасці.

Пасля змянення маршрутаў №№61 і 68 тралейбусы зноў будуць хадзіць па большай частцы праспекта Незалежнасці, пачынаючы ад плошчы Незалежнасці і да вуліцы Астрашыцкай ва Уруччы. Без тралейбуснага руху застануцца толькі два ўчасткі:

ад плошчы Якуба Коласа да вуліцы Сурганава (станцыя метро «Акадэмія навук»);

ад вуліцы Толбухіна (станцыя метро «Парк Чалюскінцаў») да вуліцы Валгаградскай (станцыя метро «Маскоўская»).

Праўда, варта адзначыць, што знятыя тралейбусныя драты на праспект не вярнулі і не збіраюцца. Па маршрутах №№ 1, 22, 61 і 68 ходзяць і будуць хадзіць тралейбусы з павялічаным аўтаномным ходам, якія могуць праехаць некалькі кіламетраў без «рогаў», толькі на акумулятарах. А вось ад вуліцы Філімонава і да Астрашыцкай над праспектам нацягнутыя тралейбусныя драты.

Мы адзначылі на мапе тралейбусныя ўчасткі праспекта Незалежнасці з улікам абнаўлення маршрутаў 17 жніўня:

сіні — дратоў няма, тралейбусы едуць на акумулятарах

зялёны — тралейбусы едуць пад дратамі

чырвоны — тралейбуснага руху няма.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com