Трамп падпісаў мемарандум пра ўвядзенне гандлёвых абмежаванняў супраць Кітая

Прэзідэнт ЗША анансаваў увядзенне мыты на ўвоз кітайскіх тавараў і інвестыцыйныя абмежаванні.

Прэзідэнт ЗША Дональд Трамп падпісаў мемарандум пра ўвядзенне тарыфаў на кітайскія тавары. Дзеянне накіраванае на скарачэнне гандлёвага дэфіцыту з Кітаем, які Трамп назваў найбуйнейшым у свеце. Трансляцыя выступу амерыканскага лідара вялася ў Youtube-канале Белага дома, паведамляе РБК.

«Наш гандлёвы дэфіцыт з Кітаем з розных ацэнак складае ад $375 млрд да $504 млрд», - заявіў Трамп перад падпісаннем мемарандума. «Мы маем сітуацыю з каласальным крадзяжом інтэлектуальнай уласнасці, якая адпавядае [страце] сотням мільярдаў даляраў», - дадаў Трамп.

Прэзідэнт ЗША даручыў свайму гандлёваму прадстаўніку Роберту Лайтхайзеру скласці спіс кітайскіх тавараў, якія будуць абкладзеныя мытамі, адзначае Bloomberg. Мыты закрануць імпарт на $60 млрд, адзначыў Трамп. «Але гэта толькі частка таго, пра што мы гаворым», - дадаў ён і паведаміў, што прасіў кітайскія ўлады скараціць гандлёвы дэфіцыт на $100 млрд.

Са слоў Трампа, ён дзейнічае ў рамках 301 раздзела закона аб гандлі ад 1974 года, які дазваляе прэзідэнту Штатаў ужываць належныя захады, накіраваныя на ліквідацыю палітыкі замежнай дзяржавы, якая парушае гандлёвае пагадненне.

Прэзідэнт ЗША даручыў кіраўніку Мінфіна Стывэну Мнучына распрацаваць інвестыцыйныя абмежаванні для кітайскіх кампаній на працягу 60 дзён для абароны амерыканскіх тэхналогій, паведамляе агенцтва. Пра планы Трампа распачаць гандлёвыя захады супраць Кітая раней пісалі амерыканскія СМІ.