Гішпанія патрабуе ад Фінляндыі выдачы Карлеса Пучдэмона
2- 24.03.2018, 17:20
- 9,686
Гішпанскія ўлады накіравалі фінскай паліцыі запыт на экстрадыцыю лідара каталонскіх сепаратыстаў.
Вярхоўны суд Гішпаніі выдаў міжнародны ордэр на арышт шасці каталонскіх палітыкаў, уключна з лідарам рэгіёну Карлесам Пучдэмонам, паведамляе «Новое время» cа спасылкай на Associated Press.
Ордэры выдадзеныя на арышты чатырох былых чальцоў урада Пучдэмона, а таксама Марты Равіры, кіраўніка сепаратысцкай партыі Каталоніі ERC. Ім выставілі абвінавачванне ў бунце з мэтай абвясціць незалежнасць Каталоніі ад Гішпаніі. Гішпанскія СМІ пішуць, што Марта Равіра цяпер знаходзіцца ў Швайцарыі.
Карлес Пучдэмон з кастрычніка 2017 года жыве ў Бэльгіі праз распачатыя супраць яго ў Гішпаніі крымінальныя спары. Цяпер ён знаходзіцца з візітам у Фінляндыі. Гішпанскія ўлады накіравалі фінскай паліцыі запыт на экстрадыцыю лідара каталонскіх сепаратыстаў.
У пятніцу, 23 сакавіка, у Барсэлоне ўспыхнулі масавыя акцыі пратэсту пасля арышту Гішпаніяй пяці каталонскіх палітыкаў.
23 сакавіка каталонскі парламент не змог зацвердзіць былога афіцыйнага прадстаўніка рэгіянальнага ўрада Жорзі Туруля на пасаду кіраўніка рэгіёну.