На праваабаронцаў склалі пратаколы
3- 25.03.2018, 20:55
- 12,035
Пратаколы складзеныя за «ўдзел у несанкцыянаваным масавым мерапрыемстве».
Паводле інфармацыі праваабарончага цэнтру «Вясна», у Савецкім РУУС на праваабаронцаў-назіральнікаў, затрыманых у нядзелю на плошчы Якуба Коласа, адкуль павінна было стартаваць несанкцыянаванае шэсце, склалі пратаколы за ўдзел у несанкцыянаваным масавым мерапрыемстве (арт.23.34 КоАП, парушэнне парадку арганізацыі або правядзення масавых мерапрыемстваў).
«Мы каля РУУС, унутр не пускаюць і нічога не кажуць», - кажа tut.by кіраўнік праваабарончага цэнтра «Вясна» Алесь Бяляцкі.
Затрыманыя шэсць праваабаронцаў «Вясны», але некаторых неўзабаве адпусцілі. Пратаколы складзеныя ў дачыненні як мінімум да траіх.