Высылка дыпламатаў ударыла па фінансах Расеі

Высылка аднаго дыпламата абышлася РФ у 23 мільёны даляраў.

Расейскія гандлёвыя пляцоўкі адрэагавалі на высылку дыпламатаў ва ўсім свеце праз «справу Скрыпаля». Паводле адкрытых звестак, індэкс Маскоўскай біржы (МБ) абваліўся на 1,95% - гэта рэкорднае падзенне з траўня 2017 года, паведамляе «Сегодня».

Акцыі кампаній, якія ўваходзяць у індэкс МБ, патаннелі за 27 сакавіка на 193 рублёў - гэта значыць прыкладна на 3,3 млрд даляраў. Праз высылку аднаго дыпламата Расея страціла 1,34 рублёў (23,4 млн даляраў).

Акрамя таго, індэкс РТС, які дэманструе валютны кошт карпарацый, упаў на 4,2 млрд даляраў за дзень - да 1230,96 пункта, мінімуму з 14 лютага.

Найбольш прыкметна абваліліся акцыі буйных расейскіх дзяржбанкаў - Ашчадбанк страціў 2,67% капіталізацыі, ВТБ - 4,3%. У сур'ёзны «мінус» сышлі «Газпрам» - 2,63%, «Нарнікель» - 2,25% і «Раснафта» - 2,05%, падлічыў КІБ. У баку не засталіся і расейскія дзяржаблігацыі, ад якіх пачалі пазбаўляцца інвестары.

Курс рубля таксама знізіўся, хоць і не паказаў абвальнага падзення - даляр таргуецца на біржы па 57,51 рубля на закрыцці МБ 27 сакавіка. Гэта блізка да лютаўскага максімуму.

Нават кошт нафты, што расце, не аказаў падтрымкі расейскім рынкам. Але, як адзначаюць аналітыкі КІБ, без гэтага фактару, абвал быў бы яшчэ мацнейшым. Раніцай 28 сакавіка ф'ючэрсы на Brent гандлююцца па 68,9 даляра.

Цяперашняя высылка расейскіх дыпламатаў стала найбуйнейшай у гісторыі. Папярэдняе масавае «выгнанне» адбылося ў 1971 годзе, у разгар «халоднай вайны». Тады былі выдвараныя 105 расейскіх дыпламатаў. У цэнтры скандалу, як і цяпер, былі брытанска-расейскія стасункі: супрацоўнікаў пасольства СССР у Лондане абвінавацілі ў разведдзейнасці і адправілі на радзіму. Тады Крэмль у адказ выслаў 23 брытанскіх дыпламатаў.