Мікалай Статкевіч падасць новую заяўку на шэсце ў Дзень Волі
8- 6.03.2018, 18:40
- 15,305
Заяўку на правядзенне акцыі плануецца падаць 7 сакавіка.
Рабочая група правядзення шэсця на Дзень Волі вызначыла час і маршрут правядзення дэманстрацыі 25 сакавіка ў Менску. Пра гэта паведаміў у «Фэйсбуку» адзін з лідараў Беларускага Нацыянальнага Кангрэсу Мікалай Статкевіч.
З ягоных слоў, пачатак шэсця пад назвай «Марш годнасці і свабоды» запланавана на 12:00 на плошчы Якуба Коласа.
Заяўку на правядзенне акцыі Статкевіч з паплечнікамі плануе падаць 7 сакавіка. У ёй будзе заяўлены маршрут «Плошча Якуба Коласа - праспект Незалежнасці - плошча Перамогі - вул. Кісялёва - вул. Багдановіча - Оперны тэатр».
Калі ў Менгарвыканкаме не дадуць дазвол на акцыю, напісаў Статкевіч, шэсце пойдзе маршрутам «плошча Якуба Коласа - праспект Незалежнасці - вуліца Янкі Купалы - Оперны тэатр».