Невядомыя выкралі амаль 100 металічных слупоў на трасе Менск - Гародня
16- 12.04.2018, 9:59
- 18,467
Здарэнне адбылося ў Валожынскім раёне.
На трасе Менск - Гародня ў мінулыя выходныя невядомыя скралі 98 металічных слупоў, паведамляе прэс-служба УУС Менскага аблвыканкама. Здарэнне адбылося каля вёскі Мазурка Валожынскага раёна.
Слупы былі пастаўленыя для далейшага мантажу агароджы ўздоўж лесапаласы пры дарозе. Зламыснікі папросту пераломвалі слупы знізу. Шкода дарожна-будаўнічай управе ацэньваецца на суму больш за 2700 рублёў.
