Павел Дураў: Telegram будзе сам абыходзіць блакаванне

Мэсэнджар будзе выкарыстоўваць убудаваныя метады абыходу блакаванняў, якія не патрабуюць дзеянняў ад карыстальнікаў.

Telegram будзе выкарыстоўваць убудаваныя метады абыходу блакаванняў, якія не патрабуюць дзеянняў ад карыстальнікаў. Пра гэта стваральнік мэсэнджара Павел Дураў заявіў у сваім акаўнце «Вконтакте». Так ён пракаментаваў пастанову Таганскага суду Масквы заблакаваць сэрвіс на тэрыторыі Расеі на патрабаванне Раскамнагляду.

Дураў дадаў, што «100% -я даступнасць сэрвісу без VPN не гарантаваная».

«Не выдаляйце і не пераўсталёўвайце Telegram пры ўзнікненні праблем з сувяззю. Старайцеся своечасова спампоўваць абнаўленні Telegram у AppStore або Google Play», - параіў заснавальнік мэсэнджара.