Беларускі велагоншчык выйграў каралеўскі этап «Тура Харватыі»
- 19.04.2018, 21:03
- 8,696
Перамога дазволіла Канстанціну Сіўцову падняцца на першае месца ў агульным заліку.
Беларускі велагоншчык Канстанцін Сіўцоў, які выступае за велаклуб «Бахрэйн-Мерыда», выйграў каралеўскі этап шматдзённай гонкі вышэйшай катэгорыі «Тур Харватыі», паведамляе tut.by.
Сіўцоў быў найбольш хуткім на 134-кіламетровым этапе, які завяршаўся 28-кіламетровым уздымам да вяршыні «Свяці Юру». Ён на чатыры секунды апярэдзіў галандца Петэра Веенінга з «Раампот». Яўген Гідзіч з «Астаны» саступіў 49 секунд. Гэтая перамога дазволіла Канстанціну Сіўцову падняцца на першае месца ў агульным заліку. Ён восем секунд выйграе ў Веенінга.
Наперадзе гоншчыкаў, сярод якіх ёсць таксама і двухразовы чэмпіён Беларусі Андрэй Красільнікаў, чакае яшчэ тры этапы, уключаючы адзін горны.
🇧🇾@siutsou of 🇧🇭@Bahrain_Merida wins stage 3 of 🇭🇷@Tour_of_Croatia #TOC2018 #TourofCroatia pic.twitter.com/1hMwsEEwZS
— World Cycling Stats (@wcstats) 19 апреля 2018 г.