Андрэй Бастунец пераабраны на пасаду старшыні БАЖ
1- 20.04.2018, 18:25
- 8,693
На з'ездзе арганізацыі, які 20 красавіка прайшоў у Менску, была вылучаная толькі ягоная кандыдатура.
Андрэй Бастунец пераабраны на пасаду старшыні Беларускай асацыяцыі журналістаў. На з'ездзе арганізацыі, які 20 красавіка прайшоў у Менску, была вылучаная толькі ягоная кандыдатура, паведамляе «Еўрарадыё».
З 70 дэлегатаў падчас адкрытага галасавання ўстрымаўся толькі адзін - Міхаіл Пастухоў.
З чатырох намеснікаў старшыні замянілі дваіх. Сышлі Міхаіл Янчук і Святлана Калінкіна, прыйшлі - Алег Агееў і Барыс Гарэцкі, засталіся - Аліна Суравец і Аляксандр Старыкевіч.
Бастунец нарадзіўся ў Менску ў 1966 годзе. Ён - выпускнік юрфака БДУ. З 1998 года быў экспэртам Цэнтра прававой абароны пры БАЖ, намеснікам старшыні. У красавіку 2015 года быў аднагалосна абраны на пасаду старшыні Беларускай асацыяцыі журналістаў, змяніў на гэтай пасадзе Жанну Літвіну, якая ўзначальвала яе з моманту заснавання.