Украіна стала на крок бліжэй да надання аўтакефаліі УПЦ

Сусветны патрыярхат пачаў працэдуры, неабходныя для надання аўтакефаліі УПЦ.

Сусветны патрыярхат прыступіў да разгляду просьбы Украіны надаць аўтакефалію яе праваслаўнай царкве. Пра гэта ў «Фэйсбуку» паведаміў прэзідэнт Украіны Пятро Парашэнка.

«Сусветны патрыярхат пачынае працэдуры, неабходныя для надання аўтакефаліі Украінскай праваслаўнай царквы. Адпаведную пастанову прыняў Святы сінод сусветнага патрыярхата», - напісаў ён.

Паводле інфармацыі прэзідэнта, напярэдадні Сінод прыняў да разгляду зварот Парашэнкі, пастанову Вярхоўнай Рады ў падтрымку гэтага звароту і звароты іерархаў праваслаўных цэркваў ва Украіне.

17 красавіка 2018 года Парашэнка на нарадзе з кіраўніцтвам парламенцкіх фракцый заявіў, што «на сённяшні дзень Украіна як ніколі блізкая да з'яўлення уласнай аўтакефальнай памеснай царквы». Са слоў кіраўніка дзяржавы, 9 красавіка ён наведаў Стамбул, дзе сустрэўся з сусветным патрыярхам Варфаламеем і чальцамі Сінода. Размова доўжылася больш за сем гадзін.