Відэафакт: У Канадзе самалёт са зламаным рухавіком прызямліўся на загружаную шашу

Дзіўна мяккую пасадку зафіксавалі камеры відэаназірання.

Двухматорны самалёт з чатырма пасажырамі і двума сябрамі экіпажа на борце прызямліўся прама на ажыўленай дарозе ў Калгары, Канада. Пілот паспеў паведаміць на зямлю, што страціў паліўную помпу. Дзіўна мяккую пасадку зафіксавалі камеры відэаназірання, паведамляе newsyou.info.

Як паведамляе CBC, у выніку здарэння ніхто не пацярпеў. Джэйсан Грэм з Дэпартамента пажарнай аховы Калгары адзначыў, што пілот выканаў «ўзрушаючую працу», здолеўшы бяспечна пасадзіць самалёт.

Сведкі пасадкі пацвердзілі, што пасажыры паветранага судна былі шакаваныя, але не атрымалі ніякіх траўмаў. Адзначаецца, што паветранае судна на некалькі гадзін заблакавала аўтамабільны рух, але ў канчатковым рахунку яго адбуксіравалі на абочыну.