Беларус дапамог «Сэн-Рафаэлю» выйсці ў «Фінал чатырох» Кубка ЕГФ

Арцём Каралёк стаў самым выніковым гандбалістам французскага клуба ў матчы з гішпанскім «Гранальерсам».

Беларус Арцём Каралёк дапамог гандбалістам французскага «Сэн-Рафаэля» прабіцца ў «Фінал чатырох» розыгрышу Кубка ЕГФ, паведамляе БелТА.

У адказным чвэрцьфінальным паядынку французскі клуб саступіў на выездзе гішпанскаму «Гранальерсу» з лікам 30:40. Самым выніковым у складзе гасцей стаў Арцём Каралёк, які закінуў 7 мячоў.

Нягледзячы на гэту паразу, «Сэн-Рафаэль» адолеў спаборніка па суме дзвюх сустрэч, дзякуючы больш буйнай хатняй вікторыі - 37:23. У гэтай гульні Каралёк тройчы пабіваў брамы гішпанскай каманды.

На вырашальным этапе другога па рангу кантынентальнага турніру, гаспадаром якога 19-20 траўня будзе нямецкі «Магдэбург», акрамя «Сэн-Рафаэля» згуляюць яшчэ два прадстаўнікі нямецкай бундэслігі - «Гепінген» і «Бэрлін».

«Фінал чатырох» галоўнага клубнага спаборніцтвы Старога Свету - Лігі чэмпіёнаў, пройдзе 26-27 траўня ў Кёльне. Там згуляюць адразу тры прадстаўнікі Францыі - «Пары-Сэн Жэрмэн», «Нант» і «Манпелье», а таксама дзейны пераможца чэмпіёнскай Лігі македонскай «Вардар» са Скоп'е.