Ва Украіне выдалі першую е-візу
3- 5.04.2018, 21:17
- 10,905
ФОТА: ANADOLU AGENCY/GETTY IMAGES
Першую электронную візу для ўезду ва Украіну выдалі грамадзяніну Тайланда.
Сёння была выдадзена першая электронная віза (е-віза) для ўезду ва Украіну з дзелавой або турыстычнай мэтай.
Пра гэта паведаміў міністр замежных спраў Украіны Павел Клімкін у сваім Twitter.
«Сістэма выдачы электронных віз працуе - толькі што выдалі першую ўкраінскую е-візу грамадзяніну Тайланда. З тэставага рэжыму пераходзім у поўны працоўны», - напісаў Клімкін.
Система видачі електронних віз працює - щойно видали першу українську е-візу громадянинові Таїланду :) з тестового режиму переходимо в повний робочий :)
— Pavlo Klimkin (@PavloKlimkin) 5 апреля 2018 г.
На сайце міністэрства адзначаецца, што для афармлення е-візы трэба запоўніць анкету анлайн, загрузіць копіі неабходных дакументаў, аплаціць на сайце візавы збор і раздрукаваць атрыманую па электронным адрасе электронную візу.
Час афармлення электроннай візы - да дзевяці рабочых дзён. Яе кошт складае $65. Разавая віза дзейнічае да 30 дзён.
У МЗС Украіны ўважаюць, што новаўвядзенне будзе спрыяць істотнаму спрашчэнню візавых фармальнасцей для турыстаў і бізнэсоўцаў, якія жадаюць наведаць Украіну.
