Леанід Кулакоў: Мы хочам, каб было як у Арменіі

Улады баяцца ўсякай актыўнасці беларускага народа.

Пра гэта сёння на акцыі незалежных прафзвязаў у Менску заявіў актывіст грамадзянскай кампаніі «Еўрапейская Беларусь» Леанід Кулакоў:

- Улады заўсёды баяцца ўсяго, што адбываецца ў краіне. Улады баяцца таго, што адбываецца цяпер у Арменіі. А мы хочам, каб было як Арменіі, мы хочам зрабіць усё таксама - без крыві, без гвалту.

Тое, што сёння затрымлівалі актывістаў - гэта вельмі нядобра, яны мелі права выказаць сваё меркаванне.

Нагадаем, што мітынг незалежных прафзвязаў прайшоў сёння ў Кіеўскім скверы Менска. У рэзалюцыі ўдзельнікі мітынгу запатрабавалі новага сацыяльна-эканамічнага курсу для краіны, росту пенсій, заробкаў, скасавання кантрактнай сістэмы і дэкрэтаў Лукашэнкі, у тым ліку дэкрэта аб «дармаедах».