Відэафакт: Жорсткі канфлікт кантралёраў і пасажыра ў Менску

Канфліктоўцы ўзварушылі ўвесь двор на вуліцы Ленінградскай.

На відэа паказваецца адзін з двароў сталічнай вуліцы Ленінградскай. «Мы сталі сведкамі жорсткага затрымання кантралёрамі п'янага мужчыны з ужываннем сілы. Няясна, наколькі яно правамернае (яго павалілі на зямлю, штурхалі так, што той упаў, і ў цэлым - хапалі, не давалі прайсці, усяляк перашкаджалі)», - піша чытач Аляксандр, які дапаўняе, што ніякім чынам не апраўдвае безбілетніка, піша «Онлайнер».

- Аднак такія паводзіны кантралёраў супярэчаць разумнай логіцы. Мы маем запіс з прыватнай камеры назірання, час на камеры не наладжаны, - паведамляе Аляксандр.

Дзея адбывалася прыкладна а палове на другую. Камера знаходзіцца на дзясятым доме на вуліцы Ленінградскай. Аляксандр сцвярджае, што ягоная жонка пачула крыкі, якія напаўнялі ўвесь двор.

У сеціве ёсць аматарскае відэа, знятае з бліжэйшай адлегласці. Яно паказвае барацьбу мужчын каля аркі. Калі аператар набліжаецца, удзельнікі канфлікту разыходзяцца. У сітуацыі ўдзельнсчаюць тры кантралёры (адзін мужчына і дзве жанчыны), а таксама пасажыр. Пасажыр, як мяркуюць сведкі, знаходзіцца не ў аптымальным стане. На відэа ён пасылае на адрас кантралёраў шмат лаянкі (мы «запікалі»).

Адна з жанчын у формавай манішцы кажа, што гэтак жа ягамосць паводзіўся падчас кантролю, маўляў, у аўтобусе таксама дазваляў сабе абразы. Кантралёрка некалькі разоў дае зразумець, што ўпэўненая ў сваёй рацыі і рацыі калег, нагадваючы аб рэгістратару, які запісаў усю размову ўдзельнікаў канфлікту.

Відэа дала мячанка Ева Усціменка. Вось што дзяўчына распавядае пра здарэнне:

- Мы стаялі каля цырульні і ўбачылі, як мужчына ўцякае ад кантралёраў. Ён схаваўся ў дварах. Далей дзяўчынка пайшла паглядзець, што адбываецца там. Вярнулася і сказала, што яго б'юць. Мы пайшлі глядзець і здымаць на выпадак чаго-небудзь. Кантралёрка сцвярджала, што вінаваты мужчына: ён пляваўся ў аўтобусе на людзей. Таксама яна сцвярджала, што ён першы пачаў збіваць кандуктара. Усё скончылася тым, што прыйшлі міліцыянты і пастараліся супакоіць мужчыну.

Атрымаць каментар ад «Мінсктрансу» пакуль не выпала. Ён будзе апублікаваны, як толькі з'явіцца.

Па тлумачэнне сітуацыі мы звярнуліся ў міліцыю.

- Міліцыянты прыбылі на месца канфлікту па тэлефанаванні кантралёраў. Тыя паведамілі, што папрасілі ў мужчыны паказаць праязны дакумент. Білета ягамосць не меў. Ён стаў уцякаць. Калі пасажыра здагналі, пачаўся канфлікт, у выніку якога мужчына нанёс удар. На гэты момант ён знаходзіцца ў Кастрычніцкім РУУС Менска. У дачыненні да пасажыра складзеныя адміністрацыйныя пратаколы за абразу і за знаходжанне ў стане алкагольнага ап'янення ў грамадскім месцы. Таксама створаны матэрыял у рамках ПВКАП за прычыненне цялесных пашкоджанняў жанчыне-кандуктару. Яна накіравана на судова-медыцынскую экспэртызу, - распавяла афіцыйная прадстаўніца ГУУС Менскага гарвыканкама Наталля Ганусевіч.