Лінас Лінкявічус: Батальён NATO ў краінах Балтыі трэба ўзмацніць флотам

Кіраўнік МЗС Літвы правёў перамовы з Джонам Болтанам.

Балтыйскія краіны просяць узмацніць дыслакаваныя міжнародныя батальёны ВПС вайскова-марскімі сіламі, заявіў міністр замежных спраў Літвы Лінас Лінкявічус, паведамляе Delfi.lt.

У сераду разам з латвійскімі і эстонскімі калегамі ён абмеркаваў гэта з дарадцам прэзідэнта ЗША Дональда Трампа ў нацыянальнай бяспецы Джонам Болтанам.

«Цяпер у нас ёсць сілы перадавога базавання і пэўны абмежаваны, але міжнародны, кантынгент з'яўляецца дапамогай нашай бяспекі. Мы гаворым не толькі аб наземных сілах, у будучыні мы б хацелі хоць бы перспектыву таго, каб у гэта былі ўцягнутыя флот і вайскова-паветраныя сілы», - сказаў Лінкявічус.

Міжнародныя батальёны NATO ў Літве, Латвіі, Эстоніі і Польшчы былі дыслакаваныя ў 2017 годзе, Альянс іх называе адказам на агрэсіўныя дзеянні Расеі ва Украіне і рэгіёне Балтыйскага мора.

У святле падрыхтоўкі да ліпеньскага саміту NATO, міністры абмеркавалі з Дж. Болтанам магчымасці паляпшэння працэдуры прыняцця пастаноў у альянсе і перамяшчэння сіл у краінах блока, таксама папрасілі пра большую ўвагу ЗША да супрацьпаветранай абароны Балтыйскіх краін.

«Ёсць значныя прабелы ў нашых сілах. Прыкладам можа служыць супрацьпаветраная абарона, і мы не вельмі можам кампенсаваць гэта нацыянальнымі сіламі, хоць удзяляем гэтаму ўвагу і рэсурсы. Тут мы спадзяёмся на NATO, а ад ЗША мяркуем атрымаць разуменне і дапамогу ў гэтай сферы», - сказаў міністр.

Сістэма супрацьпаветранай абароны з'яўляецца адным з найбольш слабых звёнаў Балтыйскіх краін у вайсковым сэнсе.

Л. Лінкявічус дадаў, што для Балтыйскіх краін важна, каб знаходжанне хаўруснікаў «было вялікім не толькі ў колькасці, але і больш разнастайным у сваіх формах»: гэта могуць быць вучэнні, візіты, дыслакацыя тэхнікі, філіялы вайсковых баз.

Са слоў міністра, сустрэча з Дж. Болтанам надала пазітыву і дазваляе спадзявацца на выдатнае супрацоўніцтва з дарадцам прэзідэнта Д. Трампа, які распачаў працаваць некалькі тыдняў таму.