Беларуская гімнастка здабыла два медалі на Гран-пры ў Ізраілі

Кацярына Галкіна стала найлепшай у практыкаванні з мячом.

Беларуска Кацярына Галкіна здабыла два медалі на этапе Гран-пры ў ізраільскім Халоне. Першае месца гімнастка заняла ў практыкаванні з мячом (19,200 бала), паведамляе «Прессбол».

У практыкаванні з абручом беларуска заняла трэцяе месца (18,150). У індывідуальных практыкаваннях у Халоне выступала і беларуска Юлія Еўчык, найлепшы вынік якой - чацвёртыя месцы ў практыкаваннях з булавамі і стужкай.

У спаборніцтвах сярод юніёраў бронзавым прызёрам у практыкаванні з мячом стала Яна Стрыга.