«Пенсіі стае на два тыдні, потым – выжывай як хочаш»

Пенсіянеры вымушаныя працаваць нават на заслужаным адпачынку.

Пра гэта «Вечернему Бобруйску» распавяла чытачка Таццяна Нягрэй:

- Што цяпер хвалюе пенсіянераў? Іх хвалюе, як пражыць на пенсію! Мая, напрыклад, 300 рублёў. А трэба купляць прадукты, лекі. Грошай стае на два тыдні, потым - выжывае як хочаш. Або расцягвай, як можаш, гэтыя грошы.

Ратуюць дзве соткі свайго агарода. Саджаем з мужам усяго патроху - добрая дапамога, нам стае, на рынак практычна не ходзім. Цяпер гарачая пара, працы шмат, трэба саджаць агарод.

Мы даўно ўжо звыклі: усе падрыхтоўваем удзень, а пасадкай займаемся позна ўвечары. Так расліны не вянуць на спякоце – начамі ж у нас яшчэ халаднавата.

Мы жывем на ўскраіне, у горад я выбіраюся рэдка. У асноўным у паліклініку. Езджу на аўтобусе, і мне заўсёды дапамагаюць зайсці, саступаюць месца. Так што дарма лаюць нашую моладзь, я асабіста яе паважаю. Ім цяпер цяжэй, чым нам. Мы на пенсію сяк-так удваіх пражывём, а у іх жа таксама заробкі невялікія. А ім яшчэ дзяцей карміць-адзяваць.