Абсалютны рэкорд: Бутэльку віскі прадалі за $1,1 мільён

Бутэлька віскі Macallan 1926 года разліву пайшла з малатка за больш чым мільён даляраў на аўкцыёне ў Ганконгу.

Гэта рэкордны кошт за бутэльку алкаголю, піша Bloomberg (пераклад - nv.ua). Папярэдні рэкорд быў устаноўлены на гадзіну раней - яшчэ адна бутэлька Macallan 60-гадовай вытрымкі была прададзеная за 1,01 млн даляраў.

Абедзве прададзеныя напярэдадні бутэлькі былі набытыя на аўкцыёне блізу 30 гадоў таму, і з тых часоў не выстаўляліся на ўсеагульны агляд.

Адзначаецца, што яны былі выпушчаныя ў якасці падарункаў для самых уплывовых і шаноўных кліентаў Macallan, для якіх вядомыя мастакі спецыяльна асабіста ўпрыгожвалі сваімі творамі этыкеткі бутэлек. Напрыклад, этыкетка бутэлькі Macallan 1926 года ўпрыгожаная малюнкам жывапісца-постмадэрніста Валерыа Адамі, у той час як этыкетка бутэлькі Macallan 60-гадовай вытрымкі выйшла з-пад рукі мастака Піцера Блэйка.

Прададзеныя рэкордным коштам віскі з'яўляюцца часткай абмежаванай калекцыі, якую называюць «Святы Грааль Macallan». Усяго ў гэтую калекцыю ўваходзяць 24 бутэлькі.

Адзначым, да цяперашніх таргоў рэкорд і званне самага дарагога віскі ў свеце належала шасцілітровай бутэльцы 60-гадовага віскі Macallan, прададзенай амаль за 632 тысяч даляраў у 2014 годзе.