Беларускім банкам дазволілі забіраць акцыі завінавачаных прадпрыемства

Падпісаны ўказ аб рэструктурызацыі запазычанасці прадпрыемстваў.

Дыктатар падпісаў указ №200, згодна з якім на фінансавым рынку Беларусі будуць укаранёныя новыя інструменты рэструктурызацыі завінавачанасці, піша tut.by.

Банкі ўсіх формаў уласнасці змогуць удзельнічаць у працэсе кіравання дзейнасцю завінавачаных прадпрыемстваў (абмен праблемных пазык за крэдыты на акцыі прадпрыемства). Гэта значыць банк замест грошай за крэдыт на гэтую ж суму атрымлівае акцыі завінавачанай кампаніі. Раней гэта дапушчалася толькі для дзяржбанкаў.

Будзе магчымасць перадаваць правы крэдытнай дамовы іншаму крэдытору з дысконтам (продаж банкам праблемных пазык са зніжкай). Плануецца, што гэта дасць магчымасць аднаму банку акумуляваць усе праблемныя крэдыты арганізацыі для ажыццяўлення іх рэструктурызацыі ў мэтах зніжэння крэдытнай нагрузкі пазычальніка.

Акрамя таго, завінавачаныя, якія знаходзяцца ў цяжкім эканамічным становішчы, змогуць вызваляцца ад абавязку выплачваць праблемную запазычанасць за крэдыты шляхам прабачэння пазык банкамі.

«Указ стварае ўмовы для зніжэння сумы праблемнай запазычанасці арганізацый рэальнага сектара эканомікі за плацяжы ў бюджэт і крэдытныя дамовы, змяншэнне дэфіцыту абарачальных сродкаў, прыняцця банкамі найбольш эфектыўных пастаноў аб рэструктурызацыі пазык і фінансавання інвестыцыйных праектаў гаспадарчых таварыстваў, удзельнікамі якіх яны становяцца», - гаворыцца ў паведамленні прэс-службы.

Тэкст дакумента пакуль не апублікаваны.