Шандаровіч: Новае прызначэнне Рагозіна - у нейкім сэнсе тролінг

Расейскі публіцыст пракаментаваў прызначэнне Рагозіна кіраўніком «Раскосмасу».

Публіцыст Віктар Шандаровіч пракаментаваў на «Эхо Москвы» прызначэнне былога віцэ-прэм'ера Дзмітрыя Рагозіна кіраўніком дзяржкарпарацыі «Раскосмас», паведамляе «Салiдарнасць».

- Новае прызначэнне Рагозіна, Шувалава - гэта ў нейкім сэнсе тролінг. «Новы ўрад», - ну вось атрымайце новы ўрад з Мядзінскім, з Рагозіным, з Шувалавым... Атрымайце.

Навінкі носяць нейкі зусім прыватны характар. Бактэрыялагічны фон ранейшы. Я б так сказаў. Тым не менш, фігура Рагозіна, вядома, заслугоўвае таго, каб на ёй спыніцца - проста для таго каб зафіксаваць нейкія важныя рэчы.

Як сказана ў Бабеля пра Мендэля Крыка: стары біндзюжнік, які славіўся паміж біндзюжнікамі грубіянам. Дык вось Д. А. Рагозін - нягоднік нават па нашых кадравых мерках. Агулам. Працягласць гэтай подласці - і бесперапыннасць гэтай подласці, не выходзячы з эліты...

Давайце ўспомнім, з якога часу ён не выходзіць з эліты. Ён жа з камсамолу, з савецкага камсамолу. З гэтага незнішчальнага подлага племя вызваленых сакратароў. Гэтыя ўсе людзі, якія вялі нас да перамогі камунізму, яны... Колькі разоў змянілася ідэалогія за гэты час? - не палічыць. Яны так і працягваюць...

Людзі мяняюцца, а вось бактэрыі - не. Бактэрыя, яны заўсёды... Гэта Сяргей Гандлеўскі, часта цытую: бактэрыі не памыляюцца! Яны заўсёды - тэмпература булёну, колер булёну, склад булёну. Бактэрыя разам з булёнам. Булён савецкі - Рагозін нас вядзе да перамогі камунізму. Булён ліберальны - Рагозін...

Стала можна пагуляць на палітычным полі, калі вы памятаеце партыя «Радзіма», трошкі ў апазіцыянерах пабыў. У самым подлым выглядзе. Зноў-такі па ўзгадненні з Сурковым, зразумела. Не пакідаючы булёну. Потым прама непасрэдна з апазіцыянераў - неадкладна на кіруючыя пасады, за мяжу. Куды пашлюць. У Еўропе, на Раскосмас...

Бактэрыя. Вельмі буйная бактэрыя, вельмі прыкметная. Заўсёды з булёнам! Ідэалогія памяняецца яшчэ 15 разоў, а ён застанецца на кіруючых пасадах. Ён будзе заўсёды пры харчах.

Рагозін - такі дэмагог... Ведаеш, як у Салтыкова-Шчадрына сказана, я цытую ўвесь час: у яго твары была бачная невыказная бессаромнасць. Толькі гэта - выслоўе. Бессаромнасць. Ён зусім бессаромны, і калі іншыя некаторыя саромеюцца... ёсць людзі бессаромныя, але саромеюцца.