У Парыжы вызвалілі закладнікаў
- 12.06.2018, 21:40
- 10,443
Мужчыну, які захапіў закладнікаў у сталіцы Францыі, затрымалі.
Праваахоўнікі вызвалілі закладнікаў, якіх захапіў зламыснік у будынку ў 10-й акрузе Парыжа, паведаміў у Twitter міністр унутраных спраў Францыі Жэрар Калон, паведамляе gordonua.com.
Ім нічога не пагражае. Мужчына, які захапіў закладнікаў, затрыманы.
Міністр падзякаваў праваахоўнікам за прафесіяналізм.
BFM TV адзначае, што зламыснік утрымліваў двух чалавек амаль чатыры гадзіны.
Ён захапіў іх прыкладна а 16.00 (17.00 паводле Менску). Паліцыя ачапіла тэрыторыю вакол будынка. Мужчына сказаў праваахоўнікам, што ўзброены. Ён патрабаваў звязаць яго з прадстаўнікамі амбасады Ірана. Паводле звестак СМІ, зламыснік утрымліваў закладнікаў у офісе кампаніі Mixicom.
#Paris10 : l’individu a été interpellé et les otages sont hors de danger.
— Gérard Collomb (@gerardcollomb) 12 июня 2018 г.
Je salue le professionnalisme et la réactivité des forces de police et de secours, en particulier la BRI de la @prefpolice et les @PompiersParis dont l’appui a été déterminant.