Трамп назваў галоўную мэту будучай сустрэчы з Пуціным
2- 12.07.2018, 15:55
- 14,108
Прэзідэнт ЗША ацаніў наступствы саміту ў Хельсінкі.
Прэзідэнт ЗША Дональд Трамп не чакае шмат чаго ад саміту з прэзідэнтам Расеі Уладзімірам Пуціным у Хельсінкі, паводле ягоных словаў, гэта будзе сустрэча ў свабодным фармаце, але надалей гэтая сустрэча ўсё ж можа апынуцца карыснай.
«Пройдзе не так шмат часу, і мы ўбачым, да чаго яна прывядзе, але яна можа быць плённай, сапраўды плённай. Можа быць, гэта і не так, але я ўпэўнены, што сустракацца з людзьмі – гэта цудоўна», – заявіў Трамп на прэс-канферэнцыі пасля саміту NATO ў Брусэлі, паведамляе карэспандэнт РБК.
#NATOSummit2018 Press Conference in Brussels, Belgium:https://t.co/iEOeGV6YBI
— Donald J. Trump (@realDonaldTrump) 12 июля 2018 г.
Адказваючы на пытанне фінскай журналісткі, што магло б стаць канчатковай мэтай саміту прэзідэнтаў ЗША і Расеі ў сталіцы Фінляндыі, Трамп сказаў, што яму пакуль складана пра гэта меркаваць, а потым прапанаваў адразу некалькі варыянтаў.
«Давайце паглядзім. Ніякай ядзернай зброі дзе б там ні было ў свеце, гэта магло б стаць канчатковай мэтай, так? Ніякіх больш войнаў, праблемаў, канфліктаў. Давайце знойдзем лекі ад кожнай вядомай людзям хваробы», – сказаў Трамп.
Перамовы Пуціна і Трампа павінны адбыцца 16 ліпеня ў Хельсінкі. У час сустрэчы, як заяўлялі раней у Крамлі і Белым доме, прэзідэнты дзвюх краінаў павінны будуць абмеркаваць перспектывы развіцця расейска-амерыканскіх стасункаў і сітуацыю ў свеце.