Беларускіх айцішнікаў пачнуць забіраць у войска

У Беларусі ствараюць ІТ-роту.

Ліст, які апавяшчае аб стварэнні ў Беларусі ІТ-роты, атрымалі з ПВТ кампаніі-рэзідэнты Парку. Пра гэта паведамляе dev.by са спасылкай на крыніцы ў некалькіх кампаніях.

«У адпаведнасці з пастановай міністра абароны Рэспублікі Беларусь ва ўстанове адукацыі «Вайсковая акадэмія Рэспублікі Беларусь» створаная рота інфармацыйных тэхналогій (далей - РІТ), - гаворыцца ў дакуменце. - Камплектаваць роты плануецца асобамі, якія маюць вышэйшую адукацыю паводле профільных ІТ-спецыяльнасцяў з лістапада 2018 года».

Прадстаўнікі Вайсковай акадэміі запрашаюць прадстаўнікоў кампаній-рэзідэнтаў Парку на сустрэчу «ў мэтах правядзення інфармавання супрацоўнікаў Вашых арганізацый, якія падлягаюць прызыву на тэрміновую вайсковую службу, аб крытэрах адбору, праходжання службы, арганізацыі працы і меркаваных задачах РІТ».

Падчас сустрэчы, якая прызначаная на 20 ліпеня, «таксама плануецца абмеркаваць усе праблемныя пытанні, звязаныя з заклікам на тэрміновую службу і службу ў рэзерве супрацоўнікаў кампаній ПВТ».

У прэс-службе Мінабароны dev.by пацвердзілі інфармацыю аб стварэнні ІТ-роты. «Такімі рэчамі не жартуюць», - сказалі там.