Дзярждэп ЗША: Рэферэндум на Данбасе быў бы нелегітымным
4- 21.07.2018, 15:35
- 8,769
Хізэр Наўэрт пацвердзіла, што Вашынгтон не разглядае прапанову Пуціна па рэферэндуму на Усходзе Украіны.
У Дзярждэпартаменце ЗША пацвердзілі інфармацыю аб тым, што адміністрацыя ЗША не разглядае магчымую падтрымку рэферэндуму на Усходзе Украіны, паведамляе "Европейская правда".
Пра гэта ў сваім Twitter напісала прэс-сакратар Дзярждэпартамента Хізэр Наўэрт.
"Для яснасці: адміністрацыя не разглядае пытанне падтрымкі рэферэндуму на Усходзе Украіны - такі рэферэндум быў бы нелегітымным. Мы працягваем падтрымліваць менскія пагадненні як спосаб урэгулявання канфлікту на Данбасе", - напісала яна.
To be clear: The Administration is not considering supporting a referendum in E Ukraine - A “referendum” would have no legitimacy. We continue to support #Minsk agreements for solving the conflict in #Donbas #ukraine @statedept
— Heather Nauert (@statedeptspox) 20 июля 2018 г.