Сіноптыкі: На тыдні тэмпература перавысіць кліматычную норму
- 23.07.2018, 14:04
- 9,314
Чакаюцца навальніцы.
На гэтым тыдні па-ранейшаму будзе дажджліва. Тэмпература перавысіць кліматычную норму на 3-5°С, паведамляе tut.by са спасылкай на Белгідрамет.
У начныя гадзіны навальнічная дзейнасць будзе слабець, а ўдзень за кошт прагрэву і вялікай колькасці вільгаці ў атмасферы чакаецца развіццё кучава-дажджавой воблачнасці.
У аўторак, 24 ліпеня, на значнай частцы тэрыторыі краіны пройдуць кароткачасовыя дажджы. Ноччу месцамі, удзень у многіх раёнах краіны прагрымяць навальніцы. У дзённы час пры навальніцах месцамі чакаюцца моцныя залевы і моцны парывісты вецер. Тэмпература паветра мінімальная ноччу +14... 20°С, максімальная ўдзень +22... 28°С.
25 ліпеня ўночы месцамі, удзень на большай частцы тэрыторыі краіны пройдуць кароткачасовыя дажджы, удзень у асобных раёнах краіны чакаюцца моцныя дажджы. Месцамі прагрымяць навальніцы. Тэмпература паветра мінімальная ноччу складзе 14... 19°С, максімальная тэмпература днём 22... 28°С.
У чацвер і пятніцу істотных змяненняў у надвор'і не чакаецца, ноччу месцамі, удзень на большай частцы краіны пройдуць кароткачасовыя дажджы. У асобных раёнах прагрымяць навальніцы. Тэмпература паветра 26 ліпеня мінімальная ноччу складзе 12... 19°С, максімальная тэмпература ўдзень +21... 28°С.
27 ліпеня мінімальная тэмпература ўначы складзе 14... 20°С, максімальная тэмпература ўдзень +24... 29°С, месцамі па паўднёвым усходзе краіны паветра прагрэецца да +30°С.