Пад Віцебскам кіроўца спрабаваў уцячы ад ДАІ і рэзнуўся ў дрэва

Пасажыр, які ехаў на заднім сядзенні, шпіталізаваны.

У Віцебскім раёне кіроўца Mercedes спрабаваў сысці ад пагоні і рэзнуўся ў дрэва. Пра гэта tut.by паведамілі ў ДАІ УУС Віцебскага аблвыканкама.

Інцыдэнт адбыўся ўвечары 21 ліпеня ў вёсцы Дрэколье. 26-гадовы кіроўца Mercedes-Benz S500 не выканаў патрабаванне супрацоўніка ДАІ аб спыненні і працягнуў рух у кірунку вёскі Хайсы. На закругленні дарогі направа мужчына няправільна выбраў хуткасць руху, не справіўся з кіраваннем і выехаў за межы праезнай часткі, дзе сутыкнуўся з дрэвам.

У выніку ДТЗ пасажыр Mercedes, які ехаў на заднім сядзенні, атрымаў найцяжэйшыя траўмы і быў шпіталізаваны.