Затрыманы кіраўнік гомельскай арганізацыі для падрыхтоўкі і правядзення дзяржаўных закупак
11- 23.07.2018, 19:07
- 16,379
48-гадовага кіраўніка дзяржаўнай арганізацыі затрымалі пры атрыманні хабару.
За хабар затрыманы старшыня камісіі для падрыхтоўкі і правядзення дзяржаўных закупак адной з дзяржаўных арганізацый Гомельшчыны. Аб гэтым паведамляецца на сайце ГУУС Менскага гарвыканкама.
48-гадовага кіраўніка дзяржаўнай арганізацыі за руку пры атрыманні хабару затрымалі супрацоўнікі аддзела барацьбы з эканамічнымі злачынствамі Менска.
Паводле аператыўнай інфармацыі, затрыманы прыняў грошы ад дырэктара адной сталічнай камерцыйнай арганізацыі за спрыяльны разгляд пытання выбару яе ў якасці пераможцы працэдуры дзяржаўнай закупкі.
У дачыненні да кіраўніка распачатая крымінальная справа.