Справа не скончаная: Маці 6-гадовай дзяўчынкі з Гомеля прадаўжае судзіцца з уладамі
7- 19.08.2018, 20:10
- 17,124
Наталля Белая падала апеляцыю.
Гамяльчанка Наталля Белая, якая судзілася з дзіцячым садком праз СНС, падала апеляцыйную скаргу ў абласны суд, паведамляе гомельская «Весна».
Нагадаем, суд першай інстанцыі палічыў, што маладая мама не змагла давесці, як яе маральныя пакуты звязаныя з лістом ад загадчыцы садка.
У апеляцыі Наталля Белая заяўляе, што суд не ўстанавіў глыбіню перанесеных ёю маральных пакут, хоць афіцыйным паведамленнем чыноўнікі прызналі яе сям'ю патрабуючай павышанай педагагічнай увагі, выявілі ў сям'і крытэрый сацыяльна небяспечнага становішча (СНС) праз часовую незанятасць маці дзіцяці, а таксама загадалі тэрмінова працаўладкавацца пад страхам трапляння сям'і ў СНС.
Наталля мяркуе, што такі ліст і ёсць галоўны довад яе маральных пакут, як усякі іншы нармальны чалавек яна ўбачыла ў гэтым лісце шантаж, пагрозы і запалохванне.
Яна па-ранейшаму мяркуе, што садок усё ж умешваўся ў яе асабістае жыццё.
Аб выніках разгляду яе прэтэнзій да дзіцячага садка даведаемся праз месяц, такі тэрмін разгляду апеляцыйных скаргаў у абласным судзе.