Менчукі зладзілі цісканіну дзеля бясплатнага марозіва на адкрыцці крамы

Людзі рвалі скрынкі, штурхаліся і раскідвалі пакаванні.

На днях адкрыццё новай крамы на вуліцы Каржанеўскага ў Менску перарасло ў нешта вельмі непрыстойнае. Звыклая, здавалася б, акцыя з дэгустацыяй прадуктаў скончылася цісканінай, вырываннем скрынак і салютамі марозіва, што, натуральна, патрапіла на відэа, піша onliner.by.

Ролік на YouTube, які прымушае чырванець, выклала Таццяна Буланава. На запісе хтосьці з боку дзвярэй крамы кідае ўпакоўкі марозіва, пакупнікі жа актыўна за іх змагаюцца. З боку здаецца, што «адорваюць» людзей менавіта супрацоўнікі крамы, аднак у самой кампаніі сцвярджаюць, што ўсё гэта справа рук пакупнікоў.

- Адкрыццё крамы трохі затрымлівалася з тэхнічных прычын. Мы проста хацелі цывільна пачаставаць людзей марозівам, правесці нармальную дэгустацыю, вынесці сталы. Але людзі выявіліся нейкімі агрэсіўнымі, пачалі гэта марозіва раздзіраць, ірваць скрынкі. Потым нехта з задніх шэрагаў пачаў крычаць, што ім не выстарчыла, пакупнікі ля дзвярэй у адказ сталі раскідваць пакаванні і «частаваць усіх, - пракаментавала відэа маркетолаг крамы «Трыо» Ірына Цінік.