Заўтра ў Беларусі будзе да +30 градусаў

У панядзелак у краіне будзе дажджлівае надвор'е.

У найбліжэйшыя суткі, 27 жніўня, у Беларусі чакаецца воблачнае з праясненнямі надвор'е. Пройдуць дажджы, месцамі моцныя. Таксама ў асобных раёнах магчымыя навальніцы.

Вецер – паўночны сярэдні, пры навальніцах – парывісты.

Тэмпература паветра ўначы і ранкам складзе 10–16 градусаў, на паўднёвым усходзе – да +19. Удзень будзе 18–24 градусы са знакам плюс. Пры гэтым на паўднёвым усходзе захаваецца спякота – плюс 25–30, а на поўначы стане халодна – толькі 15–17 вышэй за нуль, паведамляе рэсурс pogoda.by.