Фотафакт: Вада ў Камсамольскім возеры пазелянела яшчэ больш

Але там усё роўна купаюцца, нягледзячы на забарону.

Санэпідслужбы яшчэ некалькі дзён таму забараніла менчукам купацца на папулярным пляжы Камсамольскага возера, дзе вада стала зялёнага колеру. Як выглядае гэты вадаём цяпер і ці шмат там адпачывае людзей - у матэрыяле tut.by.

Спецыялісты санітарна-эпідэміялагічнай службы абследавалі вадаёмы ў краіне. У многіх былі знойдзеныя парушэнні, а 2 жніўня яны забаранілі купацца на папулярным у менчукоў пляжы №1 Камсамольскага возера. Прычына - перавышэнне агульных каліформных бактэрый.

Але яшчэ дагэтуль вада ў вадаёме стала зялёнага колеру. Звычайна гэта адбываецца ў канцы ліпеня - пачатку жніўня праз размнажэнне багавіння ў гарачае надвор'е. Падрабязна пра гэты працэс мы распавядалі, але з таго моманту вада стала яшчэ зелянейшай.

Праўда, на пляжы праз плынь не вельмі прыкметна, наколькі вада пазелянела. Яркія разводы застаюцца хіба што ў ямках. Але варта трохі прайсціся ў бок Палаца дзяцей і моладзі ці вуліцы Арлоўскай, дзе вада стаіць, то можна ўбачыць, як колер возера супадае з колерам травы. У каламутнай вадзе плаваюць качкі, бутэлькі і мёртвая рыба.

На пляжы нават у панядзелак удзень заўважаем шмат людзей. Сярод іх у асноўным дзеці і пенсіянеры.

Але праз паніжэнне тэмпературы купаюцца мала. Двое братоў-школьнікаў, якія прыйшлі на пляж самастойна, кажуць, што вада вельмі цёплая.

- Тут нават горача. Бераг засыпаны пяском, ніякага тут багавіння няма, вада проста квітнее.

Міма не раз праязджае катэр службы выратавання на водах, але ніякіх папярэджанняў у адрас тых, хто купаецца ратавальнікі не робяць. Ніякіх абвестак на стэндах пра забарону купання таксама няма.

За дзецьмі ў вадзе на беразе сочыць мужчына, які распавядае, што служба выратавання на водах кантралюе толькі тых, хто заплывае за буйкі.

- Разы тры ці пяць я іх бачыў за паўгадзіны. Яшчэ выганяюць тых, хто па-за зонай купання знаходзіцца. А так з вады, якая на пляжы, нікога не выганяюць. Пра забарону я нічога не чуў. Для рэк нармальна зелянець, таму нічога страшнага ў квітненні я не бачу. Дзеці тут ужо купаліся, ніякіх атручванняў кішэчных або інфекцый не было.

Акрамя Камсамольскага возера, цяпер у Менску забаронена купацца на пляжах №1, 8, 9 Заслаўскага вадасховішча (Менскае мора) і №2 вадасховішча Дразды.