1 сакавiка 2024, Пятніца, 0:16
Падтрымайце
сайт
Сім сім,
Хартыя 97!
Рубрыкі

Amnesty International нагадае ў ААН пра блакаванне «Хартыі-97»

3
Amnesty International нагадае ў ААН пра блакаванне «Хартыі-97»

Беларускія ўлады адвольна пазбаўляюць грамадзян свабоды.

Міжнародная праваабарончая арганізацыя Amnesty International падрыхтавала агляд сітуацыі з правамі чалавека ў Беларусі за перыяд з 2013 да 2018 года для разгляду ў Камітэце ААН правоў чалавека.

Сайт Charter97.org прыводзіць вытрымкі з дакумента.

Аб смяротным пакаранні: «Ні разу апеляцыя супраць прысуду да смяротнага пакарання не мела поспеху, і ні разу Лукашэнка не памілаваў ніводнага асуджанага. Расстрэлы праводзяцца ў абстаноўцы сакрэтнасці. Дата расстрэлу сваякам не паведамляецца, і ім не даецца апошняе спатканне. Целы расстраляных не перадаюцца сем'ям, а інфармацыя пра месца пахавання ўтойваецца. Больш за тое, самі зняволеныя даведваюцца пра час выканання прысуду не раней, чым за некалькі імгненняў перад расстрэлам. Сем'ям расстраляных паведамляюць пра дату расстрэлу толькі пра тыдзень».

Аб свабодзе СМІ: «Большасць друкаваных і вяшчальных СМІ ў краіне працуюць пад фактычным кантролем урада, і ўлады ўжываюць захады, каб пашырыць гэтую сферу кантролю на інтэрнэт... У снежні 2017 і студзені 2018 года былі заблакаваныя сайты праваабарончай арганізацыі «Вясна», незалежных выданняў навін «Беларускі партызан» і «Хартыя-97»... Пасля новых заканадаўчых паправак, інтэрнэт-СМІ абавязаныя запісваць імёны людзей, якія пакідаюць каментары да артыкулаў...і падаваць гэтую інфармацыю ўладам».

Аб прыватнасці: «Паводле беларускіх законаў усе аператары сувязі ў краіне абавязаныя забяспечыць сумяшчальнасць абсталявання з сістэмай САВМ (сродкаў для забеспячэння аператыўна-вышуковых мерапрыемстваў). Сістэма дазваляе адсочваць усе паведамленні і размовы ў рэжыме рэальнага часу або ў запісе. Аператары абавязаныя захоўваць гэтыя звесткі цягам пяці гадоў. Сістэма САВМ дае доступ як да саміх паведамленняў і гутарак, так і да мета-звестак, такіх як час, месцазнаходжанне і частата кантактаў».

Аб асабістай недатыкальнасці: «Супрацоўнікі праваахоўных органаў Беларусі ўвесь час парушаюць права на свабоду і асабістую недатыкальнасць і адвольна пазбаўляюць грамадзян свабоды, у тым ліку, і падчас мірных пратэстаў. Было мноства выпадкаў, калі за кароткачасовым «адміністрацыйным» арыштам або доўгім зняволеннем чалавека, які ажыццяўляў сваё права на свабоду слова, ішоў палітычна-матываваны суд, які не адпавядае стандартам сумленнага суду».

Аб свабодзе сходаў: «Два разы на год, у сакавіку на «Дзень Волі» і ў красавіку падчас «Чарнобыльскага шляху» міліцыя адвольна блакуе дэманстрацыі; праводзяцца затрыманні дзясяткаў, часам соцень удзельнікаў мірнага пратэсту. Некаторыя пасля адпускаюцца без выстаўлення абвінавачвання. Іншыя, звычайна, найбольш актыўныя, публічныя выступоўцы атрымліваюць вялікія штрафы або зазнаюць «адміністрацыйны» арышт, які можа доўжыцца да дваццаці пяці дзён, за меркаваныя парушэнні, такія як пратэст без папярэдняга дазволу ўладаў, меркаванае брыдкаслоўе ў грамадскіх месцах або меркаванае непадпарадкаванне «законным патрабаванням» супрацоўнікаў міліцыі».

Дакумент падрыхтаваны для 124 сесіі камітэта ААН правоў чалавека, якая будзе праходзіць з 8 кастрычніка да 2 лістапада і на якой будзе разглядацца справаздача беларускага МЗС аб выкананні ў краіне Міжнароднага пакту аб грамадзянскіх і палітычных правах.

Нагадаем, што 24 студзеня рэжым Лукашэнкі заблакаваў незалежны інфармацыйны рэсурс Charter97.org. Блакаванне пацвердзіў першы намеснік міністра інфармацыі Ігар Луцкі. Міністэрства інфармацыі ўзначальвае Аляксандр Карлюкевіч.

Абысці блакаванне можна і вось інструкцыі:

- Самы просты спосаб чытаць «Хартыю'97»

- Як абысці блакаванне сайта «Хартыя-97»

- Як абысці блакаванне сайта на Android і iOS

- Памяняйце DNS на сваім кампутары і чытайце Хартыю

- Чытайце «Хартыю-97» у сацыяльных сетках

19 красавіка так званая «палата прадстаўнікоў» прыняла скандальныя папраўкі да закона аб СМІ, якія канчаткова знішчаюць свабоду слова ў Беларусі. Папраўкі ўводзяць абавязковую рэгістрацыю інтэрнэт-рэсурсаў навін. Уладальнікі і рэпарцёры не зарэгістраваных інтэрнэт-рэсурсаў не прызнаюцца журналістамі, не маюць права на атрыманне і абарону крыніцы інфармацыі, а пры з'яўленні на масавых акцыях прыраўноўваюцца да дэманстрантаў.

Уводзіцца абавязковая ідэнтыфікацыя асобаў, якія размяшчаюць матэрыялы ці каментары на форумах, у інтэрнэт-рэсурсах». Гэта значыць, рэдактараў інтэрнет-СМІ, якія працуюць у Беларусі, будуць прымушаць здаваць спецслужбам звесткі сваіх журналістаў і чытачоў, якія каментуюць артыкулы. Дапускаецца магчымасць блакавання сацыяльных сетак і абмежаванне доступу да інтэрнэт-рэсурсаў у пазасудовым парадку.

Экспэрты назвалі гэтыя папраўкі «ўдарам па незалежнай журналістыцы» і «новым закручваннем гаек».

Напісаць каментар 3

Таксама сачыце за акаўнтамі Charter97.org у сацыяльных сетках