Памёр старшыня праўлення ФК БАТЭ Анатоль Капскі
25- 22.09.2018, 12:54
- 51,240
Капскаму было ўсяго 52 гады.
Памёр старшыня праўлення ФК БАТЭ Анатоль Капскі. Як паведамляе Прессбол, прычынай смерці стала працяглая хвароба.
Анатоль Капскі быў нязменным кіраўніком клуба з 1996 года, калі яго наважылі адрадзіць. З ім клуб вельмі хутка заняў трывалыя пазіцыі ў чэмпіянаце краіны і прабіўся ў еўракубкі.
БАТЭ 14 раз выйграваў залатыя медалі чэмпіянату Беларусі і ў апошнія 12 гадоў запар застаецца лідарам.
Як піша «Трибуна», у 20-гадовым узросце ў Капскага выявілі рак. Першы курс хіміятэрапіі прайшоў у 1987 годзе. У 1999 годзе здарыўся рэцыдыў. Капскаму давялося прайсці восем курсаў хіміятэрапіі за мяжой. У студзені 2013-га ў Вільні перанёс складаную аперацыю на сэрцы, пасля якой знаходзіўся ў трохдзённай коме.