Выбух у цэнтры Парыжу: ёсць параненыя
4- 12.01.2019, 12:25
- 16,067
У булачнай, размешчанай у цэнтры Парыжа, прагучаў выбух, некалькі чалавек атрымалі раненні.
Паводле звестак мясцовай паліцыі, здарэнне адбылося на вуліцы Трэвіз у 9- й акрузе французскай сталіцы. Праваахоўныя органы пакуль зыходзяць з таго, што яго прычынай была ўцечка газу, паведамляе dw.com.
Адразу пасля выбуху ў будынку ўспыхнуў агонь. Да месца здарэння прыбылі пажарныя і паліцэйскія. У доме і найбліжэйшых будынках выбуховай хваляй выбітыя шыбы.
Некалькімі гадзінамі раней французскія сілы бяспекі былі прыведзеныя ў стан павышанай гатоўнасці ў сувязі з чарговай дэманстрацыяй руху «Жоўтыя камізэлькі», запланаванай на 12 студзеня паводле інфармацыі агенцтва dpa, бяспеку падчас гэтай акцыі будуць забяспечваць 5000 служачых паліцыі.