Мікалай Хадасевіч: У берасцейскага «Дынама» ёсць шанцы на чэмпіёнства

Вяртанне Мілеўскага дадасць Берасцю класа і моцы.

Журналіст і тэлевядоўца Мікалай Хадасевіч падзяліўся меркаваннем пра перспектывы берасцейскага «Дынама» ў барацьбе за чэмпіёнства ў гэтым сезоне, піша «Трыбуна».

«Вяртанне Мілеўскага дадасць Берасцю класа і моцы. Каманда востра мела патрэбу ў гульцы з функцыямі дырыжора нападаў. Крывец аднаўляецца пасля цяжкай траўмы, Наёк, Быкаў і Кісляк у цэнтры поля з абарончым ухілам. Пры наяўнасці на флангах Савіцкага і Няхайчыка ды запрошанага магутнага форварда Лапцева «Дынама» на сёння мае, магчыма, самым высокім атакавальны патэнцыялам у лізе. Не дзіўна, што зноў папаўзлі размовы аб чэмпіёнскім тытуле. Без кубкавых і еўракубкавых матчаў падчас сезона шанцы сапраўды ёсць - у Берасця добры падбор выканаўцаў і ідэальны гладкі каляндар нацыянальнага першынства. Дадамо яшчэ адну радасную для прыхільнікаў каманды навіну - канкурэнты ў міжсезонне не сталі на парадак мацнейшымі.

Надзейней за ўсіх пакуль глядзіцца «Шахцёр», які з важных гульцоў страціў толькі Лапцева, затое набыў Хвашчынскагаі Аляксандра Валадзько. У Барысаве шэраг добрых футбалістаў адпусцілі, але робяць усё магчымае, каб якасны баланс складу выканаць. Пра незразумелую сітуацыю ў менскім «Дынама» вы чулі, а ў Жодзіне, Віцебску і Гародні аб п'едэстале сур'езна ніхто не кажа», - напісаў Хадасевіч.