Відэафакт: У Магілёве адной «хуткай» давялося буксаваць іншую
3- 16.01.2019, 16:46
- 12,630
Аўто затрымалася ў снезе.
У Магілёве «хуткая» не змагла пераадолець заснежаную горку ў двары вуліцы Арлоўскага. Давялося іншаму аўтамабілю той жа службы ўзяць яе на буксір, піша mogilev.online.
«Вынік працы дарожнай службы ў прыбіранні снегу на вуліцы Арлоўскага
Менавіта ў гэты момант чалавеку можа быць дрэнна, а 2 «хуткія» ўжо занятыя...» - каментуе аўтар паведамлення ў сацыяльных сетках.
Прэтэнзіі аўтара не пазбаўленыя падстаў. У гэтую снежную зіму камунальныя службы горада далёка не заўсёды спраўляюцца з расчысткай дарог - нават на галоўных вуліцах. Да прыкладу, у рэгістратар аднаго з кіроўцаў трапіў эпізод - на заснежаным праспекце Дзімітрава аўтамабіль уразаецца ў міліцэйскую машыну. Мяркуючы з усяго, яго кіроўца проста не паспеў затармазіць. На відэа добра відаць, што праспект - адна з галоўных аўтамабільных магістраляў Магілёва - не расчышчаны ад снегу, рух на ім абцяжараны. Нядаўна нават было абвешчана, што для работ ва ўборцы снегу гарадская ЖКГ мае намер прыцягваць тэхніку прадпрыемстваў і арганізацый.