Узгадайце гэта мыла на вяровачцы, калі будуць праводзіць чарговы парад
51- 10.10.2019, 16:53
- 31,886
Найлепшай ілюстрацыі сацыяльна-эканамічнага становішча беларусаў проста не знайсці.
Дзіўную карціну захавалі ў прыбіральні завода парашковай металургіі ў Маладзечне. Каб змагацца з крадзяжом гаспадарчага мыла, яго прывязалі на вяроўку. Фота лайфхака ў рэдакцыю РГ даслаў чытач, піша «Салiдарнасць».
Здаецца, у гэтым малюнку ўсё: і эканамічны росквіт прадпрыемства, якое не можа сабе дазволіць нават гаспадарчае мыла, і дабрабыт работнікаў, для якіх гэты шэры мыльны кавалак з'яўляецца прадметам пажадлівасці, і агульны ўзровень інтэлекту, які, відавочна, з’явіўся прычынай першых дзвюх праблем.
Узгадайце гэта мыла на вяровачцы, калі ў краіне чарговым разам будуць праводзіцца «Еўрагульні» за 840 мільёнаў рублёў або грукатаць парады з салютамі. Перамога галечы над здаровым сэнсам павінна гучаць гучна!