Як Лукашэнка зладзіў «блазнаванне» на саміце СНД

Некалькі цікавых момантаў, якія адбыліся з беларускім дыктатарам у Ашхабадзе.

Ад палітычнага ўтварэння пад назвай СНД ужо даўно нічога не чакаюць - не чакалі і гэтым разам, піша «Салідарнасць». Тым больш дзесяць дзён таму ў Ерэване многія з лідараў краін ужо бачыліся - на саміце ЕАЭС, які аб'ядноўвае ўдзельнікаў больш «цеснай інтэграцыі».

Чым Лукашэнка паспеў «адзначыцца» ў сталіцы Туркменістана?

Мяркуючы з відэа, ахоўнікі беларускага кіраўніка былі самымі нервовымі - увесь час азіраліся.

Падчас сумеснай фотаздымкі Лукашэнка зноў чапляўся да прэзідэнта Казахстана: узяў яго пад руку, каб той не збег і выслухаў думку кіраўніка да канца.

Самай цяжкай для кіраўніка Беларусі была сустрэча з кіраўніком Туркменістана. Беларуская дэлегацыя мела намер выбіць з Гурбангулы Бердымухамедава запазычанасць за будаўніцтва Гарлыкскага ГАК.

Але ўгаварыць калегу плаціць Лукашэнка не змог.

Агулам, па прылёце з Ашхабада пахваліцца дыктатару не будзе чым - ініцыятыву не ацанілі, запазычанасць не вярнулі.