«Не капітуляцыі!»: Украінцы пратэстуюць супраць развядзення войскаў
10- 14.10.2019, 16:09
- 13,768
Удзельнікі акцыі не згодныя з умовамі формулы Штайнмаера.
Сёння, у Дзень абаронцы Украіны, у кіеўскім парку Шаўчэнкі а 16:00 паводле Менскага часу пачаўся марш «Не капітуляцыі». Пра гэта гаворыцца на event-старонцы мерапрыемства ў Facebook, паведамляе liga.net.
Удзельнікі акцыі патрабуюць ад улады не разводзіць войскі ўздоўж лініі размежавання, а таксама не надаваць асаблівага статусу акупаваным тэрыторыям Данбаса і амністыі баевікам.
Чакаецца, што ў маршы будуць удзельнічаць ветэраны баявых дзеянняў на ўсходзе краіны. Арганізатары запэўніваюць, што акцыя пройдзе без палітычных лозунгаў і без палітыкаў на чале калон.
Раней прэзідэнт Уладзімір Зяленскі звярнуўся да ўдзельнікаў акцыі з просьбай не рэагаваць на правакацыі, каб «не ствараць карцінку для расейскіх СМІ».