15 снежня 2019, Нядзеля, 5:43
Засталося зусім крыху
Рубрыкі

Навукоўцы вызначылі, калі чалавецтва падзялілася на бедных і багатых

5
Навукоўцы вызначылі, калі чалавецтва падзялілася на бедных і багатых

Навукоўцы з Універсітэта Людвіга Максіміліяна вывучылі аналіз ДНК больш за 100 астанкаў старажытных людзей.

Навукоўцы з Універсітэта Людвіга Максіміліяна ў Мюнхене вызначылі, калі грамадства пачало расслойвацца на бедных і багатых. Гэта адбылося больш за чатыры тысячы гадоў таму, паведамляецца ў нядаўна апублікаваным у часопісе Science (пераклад - tut.by) даследаванні.

Да такой высновы навукоўцы прыйшлі пасля аналізу ДНК больш за 100 астанкаў старажытных людзей, выяўленых каля Аўгсбурга ў Нямеччыне. Гэтыя астанкі належалі людзям з цэнтральнаеўрапейскіх фермерскіх абшчын часоў позняга неаліту і бронзавага веку (3,3-4,8 тысяч гадоў таму).

Спецыялісты прыйшлі да высновы, што мужчыны ў кожным з пахаванняў належалі да аднаго роду (да пяці пакаленняў) і былі кроўнымі сваякамі, а жанчыны - не. Гэта можа казаць пра тое, што ў гэтай мясцовасці доўгі час захоўвалася сістэма, пры якой жанчыны пераязджалі да мужчын з іншых краёў.

Акрамя таго, у магілах некаторых людзей даследнікі выявілі разнастайныя прадметы, што відавочна паказваюць на іх высокі статус - напрыклад, медныя сякеры і кінжалы і каштоўныя ўпрыгажэнні. Яны перадаваліся па спадчыне. У астатніх магілах такіх прадметаў не аказалася.

Пры гэтым у пахаваннях «багатыроў» нярэдка знаходзілі астанкі людзей відавочна больш ніжэйшага саслоўя. Гэта сведчыць аб тым, што іх хавалі ў адных і тых жа магільнях з сем'ямі, якім яны служылі. Падобная складаная сацыяльная структура нагадвае такую ў старажытным Рыме, праўда людзі каля Аўгсбурга жылі прыкладна за 1500 год да рымлян.

«Гэта паказвае, як далёка сыходзіць у мінулае гісторыя сацыяльнай няроўнасці ў сямейных структурах», - адзначыў Філіп Стокхамер, прафесар, археолаг з Мюнхенскага ўніверсітэта. «Выснова аб тым, што багацце перадавалася па спадчыне, а не дасягалася, верагодна, зменіць наша разуменне старажытнай Еўропы», - дадала Алісія Вентрэска Мілер з Мічыганскага ўніверсітэта.