Літва хоча зрабіць для сябе немагчымым куплю энэргіі з БелАЭС
9- 16.10.2019, 20:11
- 12,318
Прэзідэнт Літвы падаў парламенту папраўкі да законаў аб куплі электраэнэргіі.
Прэзідэнт Літвы Гітанас Наўседа падаў парламенту папраўкі да законаў, накіраваныя на прадухіленне набыцця электраэнэргіі ў краінах з небяспечнымі ядзернымі электрастанцыямі, паведамляе афіцыйная старонка прэзідэнта Літвы, паведамляе «Белсат».
«Імпарт электраэнергіі, вырабленай такім чынам, небяспечны для навакольнага асяроддзя і грамадскага здароўя Літвы, стварае пагрозу для нашай нацыянальнай бяспекі. Таму зараз неабходна прыняць дадатковыя меры, якія абмяжуюць магчымасці такой электраэнергіі патрапіць на тэрыторыю Літвы», – заявіў Наўседа.
апраўкі прадугледжваюць маментальнае адкліканне выдадзеных дазволаў на імпарт электраэнергіі з краін, дзе атамная станцыя прызнаная небяспечнай, і адмову ў выдачы новых.
Акрамя таго, Дзяржаўная служба па рэгуляванні энергетыкі зможа звярнуцца ў каардынацыйны камітэт па нацыянальнай бяспецы для праверкі імпарцёраў электраэнергіі. І калі будуць выяўлены магчымыя пагрозы нацыянальнай бяспекі Літвы, то служба зможа ануляваць дзеянне дазволу.
Два гады таму літоўскі Сейм заканадаўча прызнаў будаваную Астравецкую АЭС пагрозаю нацыянальнай бяспецы, навакольнаму асяроддзю і грамадскаму здароўю ды абмежаваў імпарт энергіі з Беларусі і Расеі.
Вільня сцвярджае, што ўчастак, на якой стаіць АЭС, знаходзіцца ў межах сейсмічнай зоны, і праект мае розныя сур’ёзныя недахопы.
Прэм’ер-міністр Літвы нават прапаноўваў Менску перарабіць ядравую станцыю ў Астраўцы ў газавую.
Пра адмову набываць энергію з БелАЭС заявіла таксама Польшча.