СМІ: NATO праводзіць таемныя вучэнні на выпадак нечаканага сцэнару

Манеўры пад назвай «Устойлівы поўдзень» пачаліся на гэтым тыдні.

ВПС Нямеччыны разам з узброенымі сіламі партнёраў па NATO ўдзельнічаюць у таемных вучэннях, у якіх сцэнарам з'яўляецца ядзерная вайна, паведаміла «Нямецкая хваля» са спасылкай на агенцтва dpa.

Паводле інфармацыі агенцтва, манеўры пад назвай «Устойлівы поўдзень» пачаліся на гэтым тыдні.

Напрыклад, вайскоўцы адпрацоўваюць выкарыстанне знішчальнікаў-бамбавікоў, якія падчас ваенных дзеянняў могуць быць аснашчаныя атамнай зброяй. Ад Бундэсвера ўдзел у вучэннях бяруць самалёты «Тарнада».

Знішчальнікі знаходзяцца на авіябазе Бюхель у федэральнай зямлі Рэйнланд-Пфальц. Паводле афіцыйна непацверджаных звестак, там таксама захоўваюцца амерыканскія атамныя бомбы тыпу B61.

У выпадку ядзернай пагрозы нямецкія «Тарнада» могуць быць аснашчаныя атамнымі бомбамі B61. Амерыканская атамная зброя, таксама паводле непацверджаных звестак, захоўваецца яшчэ ў Італіі, Бельгіі, Турцыі і Нідэрландах.

Паводле інфармацыі вайсковых экспэртаў, такія вучэнні адбываюцца рэгулярна. Падчас іх правядзення, зрэшты, адпрацоўваецца бяспечная загрузка амерыканскай атамнай зброі з падземных сховішчаў у самалёты. Зрэшты, сапраўдныя бомбы падчас навучальных палётаў самалётаў не выкарыстоўваюцца.