Навукоўцы высветлілі, як паўплывае на клімат спыненне Гальфстрыму

Хуткасць цёплага струменю апошнім часам істотна запаволілася.

Праз дзейнасць чалавека адзін з самых галоўных струменяў Атлантыкі - Гальфстрым - спакваля запавольваецца. Неўзабаве ён можа наогул знікнуць. Калі такое здарыцца, то клімат у Еўропе і ЗША істотна памяняецца, паведамляе planetanovosti.com.

На гэты момант Гальфстрым - галоўны чыннік мяккіх зім у Еўропе. Атлантычны струмень нясе цёплую ваду ад усходніх берагоў Паўночнай Амэрыкі да паўночна-заходняй Еўропы. Паводле статыстыкі рэсурсу Phys.org, у сярэдзіне 20-га стагоддзя хуткасць струменю запаволілася на 15%. Тады ўжо быў мінімум за апошнія 1600 гадоў.

Знікненне Гальфстрыму абяцае не толькі Еўропе больш лютыя зімы, але і спёку на ўсходзе ЗША. Паскорыцца таксама рост узроўню мора ў Паўночнай Амэрыцы. З станоўчага можна адзначыць памяншэнне ўраганаў, бо менавіта вада Гальфстрыму служаць для іх нейкім "палівам".

Навукоўцы не могуць дакладна сказаць, дзеля чаго спыняецца маштабны атлантычны струмень. Імаверная прычына - паскарэнне раставання ледавікоў у Грэнландыі. У акіян паступае шмат несалёнай вады, якая можа замаруджваць цыркуляцыю струменю.

Некаторыя навукоўцы ўпэўненыя, што Гальфстрым цалкам спыніцца пасля дасягнення пэўнага пераломнага пункту. Гэта можа здарыцца ўжо ў наступнае дзесяцігоддзе.