Навукоўцы ўпершыню выгадавалі расліну, якая можа свяціцца сама па сабе

Эксперымент правялі на парастках тытуню.

Расейскія генетыкі ўпершыню выгадавалі расліну, якая свеціцца ў цемры без дадання якіх-небудзь адмысловых рэчываў або апраменьвання ўльтрафіялетам. Эксперымент правялі на парастках тытуню, паведамляе knife.media.

Каб дамагчыся біялюмінесцэнцыі (так называецца натуральнае свячэнне) навукоўцы ўбудавалі ў тытунь чатыры ферменты грыба, што свеціцца. Атрыманае ГМ-расліна бачная у цемры няўзброеным вокам, а святло ад яго можна зафіксаваць на звычайны фотаапарат ці нават камеру смартфона.

Біялюмінісцэнцыя дапаможа навукоўцам маніторыць працэсы, якія адбываюцца ў расліне, пры наступных даследаваннях. Ну а яшчэ гэта проста прыгожа. Даследчыкі мяркуюць, што нешта падобнае можна зрабіць і з жывёламі, калі дадаць ім некалькі ферментаў. Зараз у прыродзе натуральнае свячэнне сустракаецца толькі ў некаторых чарвякоў і насякомых.